ففتا

«بابر کلتوری انجمنی» ستاکهولم شهریده قیته فعال بولیشی مناسبتی بیلن ففتانینگ تبریک سوزی

 

 

 

 

«بابر کلتوری انجمنی» ستاکهولم شهریده  قیته فعال بولیشی مناسبتی بیلن ففتانینگ تبریک سوزی

 تاریخ  بوییچه ملت لر نینگ بارلیگی وتورمیشی کوپ جهتدن اولرنینگ مدنیتی و معنوی بایلیگیگه باغلیق. معنوی بایلیک ملت لرنینگ اجتماعی روانی دیب هم  اتله دی، بو ایسه کلتورومدنیت مدرسه سیده ایکیلیب، اوسیب عمل گه آشه دی وملتلرنینگ حقیقی بارلیگی وحیات سوریشیگه معنی ومفهوم بیره دی.

 تورک خلقلری جمله دن اوغانستان ده گی صغیر تورکستانده  یشایاتگن اوزبیک، تورکمن، قرغیز، قزاق، تاتار، ایماق وباشقه تورکی ایللر، تاریخ جریانیده اوزمادی ومعنوی بایلیگ لرینی هیچ بیر زمان بشریت نینگ تاریخی  بایلیگ لریدن ایری کورمای، بو ساحه ده  چرچه مسدن  اوز سهم لرینی ادا ایتیش اوچون  جد وجهد قیلیب کیلگن لر. اولر بوگونکی قیین احوالگه قره مسدن اوز مادی بایلیگ لرینی کلتور یاغدوسی بیلن پارلتیب، اوز حقیقی بارلیگ لرینی ایچکی وتشقی  باسقینچی لر و یاو لردن حمایه قیلیب کیلماقده لر.

 بابر کلتوری انجمنی، ایجاد کونیدن باشلب بیلمدان انسانلرواویغاق اوزبیک وتورکمن شخصیت لر وییگیت لر نینگ فعالیتی اساسیده اورته گه کیلیب نیچه ییل فعالیتدن کیین، بیرقسقه زمان توختب قالگن ایدی. لیکن یقینده رهبرلری و وفادار اعضالری تشبٍی بیلن ایش باشلب اوزینی قیته تیکلشگه موفق بولدی.  اوغانستان تورکلری مدنی فدراسیونی (ففتا)، بابر انجمنی گه کتته اعتبار بیلن قرب، بو مدنیت  اویینی  تورک ملتی نینگ بویوک معنوی ومدنی بناسیده بیر کته مدرسه ومکتب دیب بیله دی.

بو بنانی مستحکملش یولیده سید یونس، بابر معصومی، دوکتور نبی، انجنیر سید اکرم، آی بیک جوزجانی، ثریا سید، نرگس برنا و باشقه باتور وایلسیور ییگیتلر، اکادمیسین شرعی جوزجانی رهبرلیگیده اوز حصه لرینی قوشیب کیلماقده لر.  بابرسایتی نینگ همکارلری آره سیده استاد میمنگی، استاد حلیم یارقین، دوکتور شقیقه یارقین، دوکتور شهرانی، عبدالله تاشقین،غلام سخی سخا و همایون سرخابی کبی قلم ایگه لری بارلیگی بیزنی قوانتیره دی.

 تینگری تعالی دن بو معنوی مدرسه گه اساس سالگن، اونی اوسدیرگن  و سقلب تورگن برچه شخصیت لر گه اجر دنیا وآخرت سورب، امید قیله میز کی بو انجمن بیر یاریق کوز گو صفتیده برچه تورک خلقلریگه بیزنینگ پارلاق مدنیتیمیزنی کورستووچی بیرگوزگو بولسه.

ففتا رهبریتی و اعضا لری بومعنوی مکتب نینگ قیته آچیلیشی و فعالیتگه باشله شینی چین کونگلدن  محترم شرعی جوزجانی و برچه انجمن اعضالریگه قوتلوغ بولسون دیب، او لرگه دایمی یوتوقلر آرزو قیله دی!

باش کون(شنبه) ۲ نچی سپتامبر، ۲۰۱۷ ییل.

فدراسیون فرهنگی تورکان افغانستان(ففتا)

 دیپلوم انجنیر نجم الدین محمودی

 ففتا رهبریت شوراسی نینگ نوبتده گی باشلیغی.

 

Short URL: http://www.turklar.com/?p=16418

Posted by on شهریور ۲۰ ۱۳۹۶. Filed under اطلاعیه و پیامها, تازه ها. You can follow any responses to this entry through the RSS 2.0. You can leave a response or trackback to this entry

Leave a Reply

Search Archive

Search by Date
Search by Category
Search with Google

Photo Gallery

© 2017 ففتا. تمام حقوق محفوظ و متعلق به ففتا است. ورود - میزبانی وب آی پی پلنز

مقالات منتشره در سايت ففتا بيانگر نظريات نويسندگان آن است و فدراسیون فرهنگی توركان افغانستان مسئوليت آنرا ندارد. ازطرف اداره سايت