ففتا

۱۹ – -عصر اۉزبېک اولوغ شاعری

۱۹-عصر اۉزبېک اولوغ شاعری، تاریخچیسی و
مترجمی محمد رضا میراب آگهی‌ (۱۸۰۹-۱۸۷۴)‌‌نینگ «چای» ردیفلی غزلی
رمل مثمن مقصور/محذوف(فَاعِلاتُن فَاعِلاتُن فَاعِلاتُن فَاعِلات/فَاعِلُن) وزنیده

تا که بزم ایچره حریف لعلِ جانان اۉلدی چای،
جانفزالیغ ایچره رشک آبِ حیوان اۉلدی چای.

جانفزا طعم و طرب‌انگیز کیفیت بیله،
جملۀ عالم اېلیگه راحتِ جان اۉلدی چای.

گوییا کیم چای اېرور مهرِ گیه، یۉقسه نېدور،
هم گدا مطلوبی، هم مرغوبِ سلطان اۉلدی چای.

تاپتی عزّ و اعتبار اول نوع آفاق ایچره کیم،
سر به‌سر مقبول اهلِ کُفر و ایمان اۉلدی چای.

تاپسه هر مجلس خزان فصلی کیبی افسرده‌لیک،
جلوه‌گر اۉلغچ، بهارآسا گلستان اۉلدی چای.

یېتگوسی کۉزلرگه یوز نور و کۉنگوللرگه سرور،
هر قچان چینی قدح ایچره نمایان اۉلدی چای.

یېتسه هر مشکل کیشی آلدیغه معنی فکریده،
ایچگچ اول مشکل انینگ آلدیده آسان اۉلدی چای.

خسته جانلرغه دوا، بیمار تنلرغه شِفا،
بۉلمسه مونچه نېدین مشهورِ دوران اۉلدی چای.

ای حکیم، اېمدی دوایی ایله‌ماقدین فارغ اۉل،
کیم باری بیمارلر دردیغه درمان اۉلدی چای.

گر بودور خاصیتی آنینگ جهان بازاریده،
یوز دِرَم هم بۉلسه بیر مثقالی، ارزان اۉلدی چای.

اوشبو تعریف، آگهی، بس بۉلغوسیدور چایغه،
کیم طرب افزایِ بزمِ حضرتِ خان اۉلدی چای.
***

Short URL: https://www.turklar.com/?p=19118

Posted by on مرداد ۱۳ ۱۳۹۸. Filed under اشعار, تازه ها. You can follow any responses to this entry through the RSS 2.0. You can leave a response or trackback to this entry

Leave a Reply

Search Archive

Search by Date
Search by Category
Search with Google

Photo Gallery

© 2019 ففتا. تمام حقوق محفوظ و متعلق به ففتا است. ورود - میزبانی وب آی پی پلنز

مقالات منتشره در سايت ففتا بيانگر نظريات نويسندگان آن است و فدراسیون فرهنگی توركان افغانستان مسئوليت آنرا ندارد. ازطرف اداره سايت