ففتا

ای، جمال و ناز و عشوه نگ بیر

ای، جمال و ناز و عشوه نگ بیر- بیریدن خوبراق،
قامتینگ مرغوب و اندین پیکرینگ مرغوبراق.
مینده بؤلسه مینگ هنر، چون یارنینگ مردودی مین،
عالم اهلی إیچره یؤق میندین کیشی معیوبراق.
عشق ارا فرهاد و مجنون داغی بیخود ایردیلر،
کیمسه میندین غالبا بو إیشده یؤق مغلوبراق.
هر نی قیلسنگ، ناتوان کؤنگلوم سیور جاندین سینی،
حق یرتمه یدورایکن سیندین کیشی محبوبراق.
طالب ایرسنگ قتلیمه، جانا، سنگه جانیم فدا،
نی سنگه مطلوبراق، اولدور منگه مطلوبراق.
کیم تیلر دَیر فنا عزمینی اسلوب ائله گن،
اؤزلوکدین إیش کیره کمس کؤنگلونگه مسلوبراق.
گر نوایی بار ایدی مقبولونگ، ایتکیل رحم کیم،
اندیم ایندی یؤقتورور عشّاق ارا منکوبراق.
عبدالمجید اوزگون نینگ انتخابی

Short URL: https://www.turklar.com/turkic/?p=3413

Posted by on مارس 1 2015. Filed under ایرتكلر و قوشوقلر, ینگی عنوان لر. You can follow any responses to this entry through the RSS 2.0. Both comments and pings are currently closed.

Comments are closed

300x250 ad code [Inner pages]

Search Archive

Search by Date
Search by Category
Search with Google

Photo Gallery

120x600 ad code [Inner pages]
ورود | Designed by Gabfire themes