ففتا

نامه یازدیم

نامه یازدیم یار اوچون، لیکن جوابی تاپمه دیم،
جسمیمه اول نامه دیک جُز پیچ و تابی تاپمه دیم.
هر کیشیگه جان بیریب، قیلدیم طمع مهر و وفا،
بو گنه پاداشی جُز ناز و عتابی تاپمه دیم.
دردی کیلدی قصدیمه، إیتمیش ایدی ویران کؤنگول،
قؤیغه لی بو گنجنی، وه کیم، خرابی تاپمه دیم.
چیرمه دیم جان رشته سین ناوکلرینگغه نَی کیبی،
اویله قوشلر قیدیغه مونداق تنابی تاپمه دیم.
چون خیالینگ کؤزده مهمان اؤلدی، می قان یاش اؤلوب،
بغله غن کیرپیکده قانلردیک کبابی تاپمه دیم.
نیچه کیم مطلوب رخسارین دیدیم ائله ی نظر،
اؤزلوگومدین اؤزگه اول یوزگه حجابی تاپمه دیم.
ای نوایی، هجر ارا قیل عشق بیرله مشورَت،
کیم، مین إیستب عقلدین رایِ ثوابی تاپمه دیم.
 عبدالمجید ازگون انتخابی

Short URL: https://www.turklar.com/turkic/?p=3445

Posted by on مارس 16 2015. Filed under ایرتكلر و قوشوقلر, ینگی عنوان لر. You can follow any responses to this entry through the RSS 2.0. Both comments and pings are currently closed.

Comments are closed

300x250 ad code [Inner pages]

Search Archive

Search by Date
Search by Category
Search with Google

Photo Gallery

120x600 ad code [Inner pages]
ورود | Designed by Gabfire themes