ففتا

زهی حُسنونگ ظهوریدین توشوب

زهی حُسنونگ ظهوریدین توشوب هر کیمگه بیر سودا،
بو سودالر بیله کونَین بازاریده یوز غوغا.
سینی تاپماق بسی مشکلدورور، تاپمس لیغ آسان کیم،
ایرور پـَیدالیغینگ پنهان، ولی پنهانلیغینگ پـَیدا.
چمن آتشگهیگه آتشین گلدین چو اؤت سالدینگ،
سمندردیک اول اؤتدین کولگه باتّی بلبل شیدا.
نی اِیشگه بؤلدی بی آرام کؤزگو عکسیدیک مجنون،
یوزی کؤزگوسیده عکسینگنی کؤرگوزمه دی لیلا.
قویاشغه گه قیزارماق، گاه سارغارماق ایرور اندین،
که صُنعونگ باغیده بار اول صفت یوزمینگ گل رعنا.
نیدین یوز گل آچر عشق اؤتیدین بلبل کیبی وامق،
یوزینگدین گر عزاری باغیده گل آچمه دی عذرا؟
 
کلامینگنی اگر شیرین لبیده قیلمه دینگ مضمر،
نیدین بس لعل اؤلور فرهادنینگ قان یاشیدین خارا؟
 
جمالینگ پرتویدین شمع اؤتی گر گلستان ایرمس،
نیدین پروانه اؤت إیچره اؤزین سالور خلیل آسا؟
 ملاحت بیرله توزدونگ سروقدلر قامتین یعنی،
که مونداق زیب بیرله اول الفنی ائله دینگ زیبا.
قناعت نینگ دلیلین انزوا قیلدینگ، ینه بیر هم،
دلیل اوشبوکه قانع حرفیدین خلق ائله دینگ عنقا.
نوایی قـَیسی تیل بیرله سینینگ حمدینگ بیان قیلسون،

تیکن جنّت گلی وصفین قیلورده گنگ ایرور گؤیا.

Short URL: https://www.turklar.com/turkic/?p=3448

Posted by on مارس 16 2015. Filed under ایرتكلر و قوشوقلر, ینگی عنوان لر. You can follow any responses to this entry through the RSS 2.0. Both comments and pings are currently closed.

Comments are closed

300x250 ad code [Inner pages]

Search Archive

Search by Date
Search by Category
Search with Google

Photo Gallery

120x600 ad code [Inner pages]
ورود | Designed by Gabfire themes