ففتا

اوغانستان ملی- اسلامی جنبش حزبی جوزجان ولایت کینگشی رئیسی کینجه کارگرنینگ وقتسیز وفاتی مناسبتی بیلن اوغانستان تورکلری مدنی فدراسیونی (ففتا)نینگ تسلیت پیامی

  اوغانستان ملی-اسلامی جنبشی جوزجان ولایت کینگش رئیسی جناب کینجه کارگرنینگ وقتسیز وفاتی حقیده‌گی قیغولی ناخوش خبر، او رحمتلی‌نینگ عایله‌سی، برچه دوستلری و جنبش حزبی‌نینگ وفالی اعضالری کبی بیز – اوغانستان تورکلری مدنی فدراسیونی (ففتا) اعضالرینی هم کوپدن کوپ قیغو و المگه چومیلتیردی. رحمتلی کینجه کارگر محنتکش خلقیمیزنینگ چینه‌کم فرزندی صفتیده اوز ثمره لی عمرینی حق وعدالت یولیده مجادله گه بغیشله دی، او هر دایم صداقت بیلن خلققه خدمت قیلدی، اولکه ده یشاوچی بوتون ملیتلر و قوملر ارا تینگلیک، دوستلیک و برادرلیک حقیقی شکلده تامین ایتیلیشی یولیده کوره شدی. او، جنبش حزبی‌نینگ بیر فعال عضوی و اوشبو حزب نینگ جوزجان ولایت کینگشی رئیسی صفتیده، حزب صفلری نینگ منسجم بولیشی و حزب بیلن خلق نینگ علاقه لری مستحکملنیشی توغریسیده صداقت بیلن خدمت قیلدی.

      وطنیمیزده شونده‌ی بیر حساس زمانده، کینجه کارگر کبی فعال و صداقتلی کادرلرنینگ اولومی بیرینچیدن جنبش حزبی اوچون، قالیویرسه محنتکش مسلمان خلقیمیز همده رحمتلی نینگ عایله‌سی اوچون کته یوقاتیشدیر.
    اوغانستان تورکلری مدنی فدراسیون اعضالری اوشبو الملی حادثه‌دن جوده تاثرلنیب، رحمتلی کینجه کارگرنینگ عایله اعضالری، ملی-اسلامی جنبش حزبی نینگ رهبرلیگی و برچه اعضالری، شونینگدیک مرحوم نینگ قرینداشلری، یقینلری و دوستلریگه اوز عزادارلیکلرینی بیلدیره دی، او مرحومگه اولوغ تنگری درگاهیدن مغفرت و مکانینی جنت ایستب، قالگنلرگه صبر جمیل و باش ساغلیق تیله یدیلر.
انا لله و انا الیه راجعون!
اوغانستان تورکلری مدنی فدراسیونی (ففتا)نینگ رهبرلیک کینگشی
2015 –میلادی ییل9  نوامبر

Short URL: https://www.turklar.com/turkic/?p=3636

Posted by on نوامبر 10 2015. Filed under تعزیتنامه لر, ینگی عنوان لر. You can follow any responses to this entry through the RSS 2.0. Both comments and pings are currently closed.

Comments are closed

300x250 ad code [Inner pages]

Search Archive

Search by Date
Search by Category
Search with Google

Photo Gallery

120x600 ad code [Inner pages]
ورود | Designed by Gabfire themes