ففتا

خلق نی سؤزی !

خلق نی سؤزی !

وعده بیرگن سؤزلرینگگه تورمه سنگ ،
علم وفن نی اؤزکؤزینگگه ایلمه سنگ ،
تاج کیدیرگن خلق نی قدرین بیلمه سنگ ،
اؤخلب ایل نی ایشلری نی قیلمه سنگ ،
مونچه قینب جگر- بغرین تیلمه سنگ !.

انصاف بؤلسه منی سؤزلریمگه باق ،
ناتؤغری سؤز تاپگین درحال مینی یاق ،
چاپ قولیمنی تیلیمگه زولانه تاق ،
تیگمه ایلگه ای ایلان ، کیل منی چاق ،
تور بؤلمسه ، قوی تاج نی ، سورپینگ نی قاق .

یالغانینگده قنچه خلق قیلدی صبر ،
سین اوچون بیچاره ایل تارتدی جبر ،
ایل سیورلرجایی نی قیلدینگ قبر ،
ایل-اولوس یغلربوگون مثلی ابر ،
طاقتی تاغدیک بؤلیب یؤقدور صبر .

کؤکلرگه کوتردی سینی اله مان ،
شیرین جاندن کیچیب آلدیلر عنوان ،
باله لری یتیم کوچه ده سرسان ،
خلق نی سؤزی دور بو، برچه سی عیان ،
اویل ، بؤلسنگ اگر، اولاد انسان .

بیربؤلک غله موس اطرافینگ آلدی ،
هربیرین سؤزی سینگه مثالی بالدی ،
سین بیلن قؤشیلیب یورتگه اؤت سالدی ،
بیلیمدان یخشیلر چیتلرده قالدی ،
بیچاره ایل – اولوس آخری تالدی .

ایل و اولوس قیلمیشینگ نی بیله دی ،
یوزینگده گی نقابینگنی ایله دی ،
ایندی قویمه ی جگرینگنی تیله دی ،
تاج وتخت نی قوللریندن آله دی ،
بوگون – ایرته کتته عصیان قیله دی ،
ایزگو غایه قصرلرین ساله دی .

وعده بیرگن سؤزلرینگگه تورمه سنگ ،
علم وفن نی اؤزکؤزینگگه ایلمه سنگ ،
تاج کیدیرگن خلق نی قدرین بیلمه سنگ ،
اؤخلب ایل نی ایشلری نی قیلمه سنگ ،
مونچه قینب جگر- بغرین تیلمه سنگ .
حرمت ایله .

Short URL: https://www.turklar.com/turkic/?p=3689

Posted by on ژانویه 11 2016. Filed under ایرتكلر و قوشوقلر, ینگی عنوان لر. You can follow any responses to this entry through the RSS 2.0. Both comments and pings are currently closed.

Comments are closed

300x250 ad code [Inner pages]

Search Archive

Search by Date
Search by Category
Search with Google

Photo Gallery

120x600 ad code [Inner pages]
ورود | Designed by Gabfire themes