ففتا

 

 

حسام الدین تویغون، «ایرکین واحدوف چغتای قبرستانیده دفن ایتیلدی» عنوانلی خبرنی اوقیب، چوقور تأثرلنگن و صمیمیتدن توله ملی احساس و تویغولرگه بای بولگن قوییده گی شعرنی کامنت صفتیده یوبارگن. بیز شاعرگه صمیمانه تشکرلر بیلدیریب، اوزبیک تیلیده شکل و مضمون یوزه سیدن در حقیقت بیر ینگی اثر بولگن اوشبو گوزل و سیر مضمون شعرنی حرمتلی اوقووچیلر اعتباریگه حواله قیله میز و حسام الدین تویغون گه ایجاد یولیده کتته یوتوقلر تیلیمیز.

 

آمو دریا تورگیل! بیر آن آقمسدن

——————————
آمو دریا تورگیل! بیر آن آقمسدن
بوگون سېنی صادق فرزندینگ اۉلدی
بی پروا آقه سن، یا بیلمه دینگ می؟
اۉزبیک گلشنی نینگ، بیر گلی سۉلدی

سېن بیزنی اَیِردینگ، آمو دریا سېن
ایرکین جنازه سین کۉره المه دیک بیز
عمر بویی اونی کۉرمه گن اېردیک
جنازه اوستی گه باره آلمه دیک بیز

آمو، بویاغینگده، مین بۉلسم اگر
اویاغینگده مینینگ، قانداشلریم کۉپ
باردی آقسنگ، استاد کویی تمان سېن
مېن اۉرنیمده استاد قۉللریدن اۉپ

شاعر دنیاده کۉپ، لیکن قنی شعر
کۉنگیل گه چنگ سالیب، یوره کلر آلسه
اونی شعر دیېدیلر، عالم بوییچه
شاعر اۉلیب، شعری؛ گر منگو قالسه

حدیم سیغمیدی یو، شاعر من دېسم
شاعر اېمسلیگیم، یخشی بیله من
ایرکین شعرلرینی، اۉقیب کۉرگنده
تویغو- احساسلریم، بیان قیله من

تیانشان نی آپپاق ساچلیکده کۉرگن
میرزا بابر بغرین اۉتینی بیلگن
نوایی ده بابا صبغه سین بېرگن
او، اۉزبېک یاولرین، کۉکسینی تیلگن

نوایی، آلدیده فردوسی قولدیک
تیزه چوکّنینی، کۉرگن استادیم
استاد اولمینی، تینگله دیم بوگون
کوککه ییتدی مېنینگ ناله – فریادیم

اېرکین اۉغلی بۉلیب، اۉزبېک نینگ مدام
اېرکینلیک فریادی، عالمدن اۉتگن
اۉزبېگیم شعرینی کویله گنده او
ناله – فریاد لری عالم نی ییرتگن

افراسیاب سۉزین بیر ـ بیرته تینگلب
اورخون یازوولرین، اېسلب اۉتگندی
شاه مشرب قانینی، جوشقینین کۉریب
چاغداش شعریتگه، کوککه یېتگندی

اېرکین، شعرلرینگنی اۉقیب بیر عالم
قیغو و غم لریم، اۉزگه توس آلگی
تویغون شعرلرینگدن، الهام لر آلیب
شعر یازگنده او هم، بیل منگو قالگی

حسام الدین تویغون

Short URL: https://www.turklar.com/turkic/?p=3800

Posted by on ژوئن 9 2016. Filed under الوغ شخصیتلر, ینگی عنوان لر, ینگیلیکلر. You can follow any responses to this entry through the RSS 2.0. Both comments and pings are currently closed.

Comments are closed

300x250 ad code [Inner pages]

Search Archive

Search by Date
Search by Category
Search with Google

Photo Gallery

120x600 ad code [Inner pages]
ورود | Designed by Gabfire themes