ففتا

 

ar

خبر قیلیشلریچه ییریک ادیب اوزبیکستان خلق شاعری عبدالله عارپوف بوگون تانگ چاغی ساعت  4:45 ده امیریکه نینگ تکزاس ایالتی هوستون شهریده گی شفاخانه ده حیاتدن کوز یومدی. او 3 – نوامبر کونی کوما حالتیگه توشیب قالگن ایدی.

شاعر،‌‌‌‌ قیزی مولوده عارپووا یشیدیگن هوستون گه ایککی آی آلدین بارگن ایکن.

عبدالله عارپوف1941 ییل 21 – مارچ کونی قشقه دریا ولایتیده گی کاسان تومنی ده دنیاگه کیلگن. او 1963 ییلی اونیورستیت نی اعلا بهالر بیلن تماملب، «یاش گوردیه» نشریاتیده محرر، سونگره  غفور غلام نامیده گی نشریات محرری، باش محرر، «شرق یولدوزی» ژورنالیده بولیم باشلیغی لوازملریده فعالیت کورستگن.

1976 ییلدن1882- ییلگه چه اوزبیکستان یازووچیلر اویوشمه سیده ادبی مصلحتچی، سونگره ــ تاشکینت ولایت بولیمی کاتبی (1982- 1983)، «گلخن» ژورنالی باش محرری، 1985 ییلدن اوزبیکستان یازووچیلر  اویوشمه سی کاتبی، 1996- ییلدن 2009 ییل گه چه رئیس وظیفه سیده فعالیت کورستدی. 1988 ییلده اوزبیکستان مولفلیک حقوقینی حمایه قیلیش کمیته سی رئیسی صفتیده تعیینلندی.

 

عبدالله عارپوف 1998 ییلده اوزبیکستان قهرمانی عنوانی بیلن تقدیرلندی.

عبدالله عارپوف نینگ ایجادی طلبه لیک ییل لریده باشلنگن بولیب، اونینگ بیرینچی شعرلر توپلمی «میتتی یولدوز» 1965 ییلی چاپ ایتیلگن. کیین شاعرنینگ «کوزلریم یولینگده»، «آنه جان»، «روحیم»، «اوزبیکستان»، «قصیده»، «خاطرات»، «یورتیم شمالی»، «حیرت»، «نجات قلعه سی»، «ییل لر ارمانی» شعری توپلملری باسیلیب چیقدی.                        

عبدالله عارپوف «جنت گه یول» (1978)، «طبیب و عالم»(1980)، «صاحبقران» اثرلری مولفیدیر.

2000 – 2001  ییللرده عبدالله عارپوف نینگ 4 جلدلیک «تنلنگن اثرلر»ی نشردن چیقریلدی.

عبدالله عارپوف عالی کینگاش نینگ 1992 ییل دسامبری 11 – سیسیه سیده قبول قیلینگن اوزبیکستان ریسپوبلیکه سی دولت مدحیه سی مولفی.

شاعر ایتالیه لیک مشهور شاعر دانته نینگ «الاهی کمیدیه سی»، نکراسوف، شاوچینکوف، کولی یف و  کوپلب مولفلرنینگ اثرلرینی اوزبیک تیلیگه ترجمه قیلگن.

شرعی جوزجانی

منبع: اوزبیکستان مطبوعاتیِ، دریا.

Short URL: https://www.turklar.com/turkic/?p=3841

Posted by on نوامبر 12 2016. Filed under الوغ شخصیتلر, ینگیلیکلر. You can follow any responses to this entry through the RSS 2.0. Both comments and pings are currently closed.

Comments are closed

300x250 ad code [Inner pages]

Search Archive

Search by Date
Search by Category
Search with Google

Photo Gallery

120x600 ad code [Inner pages]
ورود | Designed by Gabfire themes