ففتا

 

 

انجمن فرهنگی بابر سویدن اولکه سی ، امیر علی شیر نوایی و ظهیرالدین محمد بابر دی توغیلگن کونلری نی نشانلردی :

 

استاد جوزجانی یقینده نشر بولگن «بابر نامه» نینگ اصل تیلی -اوزبیک تیلیدن عرب تیلیگه ترجمه سی اوستیده توخته لیب، اقتدارلی مترجم دوکتور ماجده مخلوف بو ایشنی بجریش اوچون 20 ییل عمرینی صرف ایله گن دیدی. او بو قیمتلی کتاب ترجمه سینی اونی فارس، تورک، انگلیس و فرانسه تیللریگه قیلینگن ترجمه لری بیلن سالیشتیریب، کیرکلی جایلریگه تعلیق، تحشیه و توضیحلر یازیب توگتگن. او بو اهمیتلی خدمتی اوچون اوزبیکستان دولتی نینگ «شهرت» مدالینی آلیشگه سزاوار بولگن.

استاد شرعی قوشیمچه قیلیب دیدی: بابریلردوریده اسلام حقوقی (فقه علمی) کینگ کولمده رواجلندی. اورنگ زیب عالمگیر نظری آستیده بویوک عالم نظام الدین برهانپوری رهبرلیگیده  24 ییریک اسلام حقوقشناسی اشتراکیده عرب تیلیده تألیف ایتیلگن «فتاوای عالمگیری»، بابریلردولتی نینگ حقوقی کودیکسی ایدی.  بو کودیکس 2 مرته مصرده 6 جلدلیک حجمده نشربولگن و اردو تیلیگه هم اوگیریلیب نشردن چیققن. بو فتاوا جهان مقیاسیده کتته اهمیتگه ایگه بولیب، امریکاده نشر بولگن «اسلامده حقوق» کتابی مولفلری، اورنگ زیب و بوکتاب حقیده قوییده گیدیک فکر بیلدیرگنلر: «بیر شهزاده نینگ رسمی مذهبی ایشلر بیلن قیزیقیب، حقوقی اثرلر حامیسی صفتیده ایش یوریتیشی، تقریبا عالمگیرگه خاص بولیب، اوز اورنیده بی نظیر ایدی. شریعت (اسلام قانونچی لیگی)نینگ کوچلی نفوذی پادشاه عالمگیر باشله گنیدیک هندوستانده انگلیسلر نظارتی دوریگه چه هم عملده دوام ایتیب کیلدی».

استاد جوزجانی بابر شعرلریدن بیر نیچه نمونه اوقیب صحبتینی توگتدی. صحبت قرسکلر بیلن کوتیب آلیندی.

اوندن کیین ستاکهولمده گی افغانلر انجمنی رئیسی حرمتلی نسیم سحر سوزگه چیقیب، نوایی و بابرنینگ تاریخده توتگن موقعیتی و بجرگن خدمتلری باره سیده سوزیوریتیب، بابر انجمنی تمانیدن بو طنطنه لی ییغیلیش عالی سویه ده یولگه قوییلگنینی ایتیب اوتدی. سونگره قوییده گی ذاتلر سوزگه چیقیب مقاله یا که شعر اوقیدیلر:

ــ‌‌‌ افغانستان تورکلری مدنی فدراسیونی(ففتا) نینگ «یاشی اولوغلر» بولیمی مسئولی و مالموده گی «آیدین» انجمنی رئیسی حرمتلی  سراج الدین قیتمس «بابر کتابخانه سی» عنوانلی اوز مقاله سیده بابر اساس سالگن کتابخانه 16 عصرده دنیانینگ اینگ مهم و کتته علم وفن مرکزلریدن بیری صفتیده، ایللیک ایکی مینگ (52000) نسخه قولیازمه کتابلرنی اوزیده توپلگن کتابخانه بولگن ایکن دیدی.juz

ــ محترم تیمور اونگوت، «بابرنامه» نی عربچه گه اوگیرگن مصرده گی (عین شمس) اونیویرستیتی پروفیسوری دوکتور ماجده صلاح مخلوف و اونینگ علمی ایشلری حقیده معلومات بیردی.

ــ محترمه نرگس برنا، علیشیر نوایی نینگ علمی و ادبی مقامی و عبد الرحمان جامی بیلن اونینگ دوستانه مناسبتی بویچه یازیلگن «نوایی شاعر و انسان بزرگ» عنوانلی مقاله سینی اوقیب ایشیتدیردی.

ــ محترمه ثریا سید، استاد جوزجانی نینگ نواییگه بغیشلب یازگن «ساقینامه» شعریدن بیر پرچه سینی اوقیب دیکلمه قیلدی.

ــ سونسوال ده گی افغانلر انجمنی اعضاسی حرمتلی استاد عبدالله تاشقین «بابر و تورکی خطلر بیرلیگی» موضوعیده یازگن قیزیقرلی مقاله سینی اوقیدی.

ــ پروین جوزجانی بابریلر دوری نینگ بویوک دولت اربابی و ایککی تیللیک شاعرمیرزا عبد الرحیم خان خانان نی قیسقه چه معرفی قیلیب، شعرلریدن نمونه لر اوقیب دیکلمه قیلدی.

قیرغیزستان نینگ اوش شهریدن کیلگن حرمتلی مقیموف صحبت ضمنیده نوایی، بابر و فضولی (آزربایجان شاعری) شعرلرینی سالشتیریب، اولر حقیده اوز فکر و ملاحظه لرینی بیان قیلدی.

ــ حرمتلی لونا معصومی « بابر شخصیت کم نظیر تاریخ» عنوانلی مقاله سینی اوقیب، اونگه خاص بولگن تمانلرنی یاریتیب اوتدی.

ــ حرمتلی حماسه نبی بابر نینگ بیر چیرایلی غزلینی دکلامه قیلیب اوقیدی.

محفل نینگ علمی ادبی بولیمی توگه گندن کیین اشتراکچیلر ضیافتگه تکلیف ایتیلدی. برچه مهمانلر نعمت بیکزاده و کاظم نیازی تمانیدن تییارلنگن «آسیا گاردن»(آسیا باغچه سی) رستورانی نینگ مزه لیغ مکلف طعاملری بیلن کوتیب آلیندیلر.

اوندن کیین بابر انجمنی نینگ «ییگیتلر انسامبلی» تمانیدن کنسرت اجرا قیلینیب، کنسرت یونس سید(کیبورت و قوشیق)، شفیع عظیمی (رباب) و ظفر (دایره و بانگو) اشتراکیده نهایت جالب و قیزیقرلی یوقاری سویه ده اجرا ایتیلیب اشتراکچیلر تحسین و القیشلریگه سزاوار بولدی.

ییغیلیش پروگرامینی کاظم نیازی آلیب باردی. او هر بیر مقاله یا شعردن کیین، نوایی و بابر قیسقه شعرلریدن اوقیب، انانسرلیک قیلدی.

تیمور اونگوت و یاردمچیلری آرقه لی بجریلگن صحنه دیزاینی، بابر و نوایی صورتلری نینگ مناسب اورینلرده اورنه تیلیشی، تخنیک تییار گرلیکلر، موزیک و آوازلر اویغونلیگی، ییغیلیش نینگ یوکسک درجه ده اوتکزیلیشی اوچون زمین یره تیب بیردی. بیرینچی مرته «بابر کلتوری انجمنی» نینگ بو علمی – ادبی انجمنی توغریدن توغری ایفیرگه اوزه تیلیب، جانلی صورتده نشر قیلیندی.

انجمن راپورتری: پروین جوزجانی

ـــــــــــــــــــــــــــــــــــــــــــــــــــــــــ

قوییده محفلدن بیر قطار صورتلر بیریله دی:

 

قجنرال سراج الدین قیتمس سویدن اولکه سیدن

Short URL: https://www.turklar.com/turkic/?p=3875

Posted by on فوریه 27 2017. Filed under بیلدریش و پیاملر, ینگی عنوان لر, ینگیلیکلر. You can follow any responses to this entry through the RSS 2.0. Both comments and pings are currently closed.

Comments are closed

300x250 ad code [Inner pages]

Search Archive

Search by Date
Search by Category
Search with Google

Photo Gallery

120x600 ad code [Inner pages]
ورود | Designed by Gabfire themes