ففتا

«امیر تیمور» اوپیره سی متنی گه مقدمه یازگن ییریک حقوقشناس عالم پروفیسور اکمل سعیدوف یک تذکر:

 

 

«امیر تیمور» اوپیره سی متنی گه مقدمه یازگن

ییریک حقوقشناس عالم پروفیسور اکمل سعیدوف

یک تذکر:
—-
دوستان محترم! در نظر است به مناسبت 681 مین سال تولد صاحبقران امیر تیمور کورگان متن نمایشنامه یی را که موزیسین بزرگ آلمان و انگلیس گیورگی فریدریش هندل بر اساس آن اوپرای مشهور خود به نام «امیر تیمور» را نوشته و از قرن 18 تا کنون در تیاترهای بزرگ اروپا نمایش داده میشود، به نشر برسانیم. از استاد محترم جناب پروفیسوراکمل سعیدوف که با فرستادن متن ترجمه شدهٔ این نمایشنامه به زبان اوزبیکی با مقدمهٔ عالمانه ای که برآن نوشته اند، به ممنونیت ما افزودند، صمیمانه ابراز سپاس می نماییم و قبل از نشر مقدمه که برای پی بردن به اصل اوپرا خیلی ارزشمند است، ذیلا بیوگرافی مختصر استاد را به شما تقدیم میداریم  شرعی جوزجانی
ــــــــــــــــــــــــــــــــــــــــــــــــــــــــــ

 

 

تنیقلی دولت و جـماعـت اربابی، قاموسی معـلومات ایگه سی، حـقوق فنلری دوکتوری، پروفیسور اکـمل سعیدوف، 1958 ییل 11 اکـتوبر تاشکـینت ولایتی نینگ زنگی آته قیشلاغـیده رحـمتلی سعیدوف خالمت عایله سیده توغـیلگـن. او تاشکـینت دولت اونیویرستیتی حقوقشناسلیک فاکولته سینی امتیازلی دیپلوم بیلن توگتگـندن کـیین شوروی اتحاد نینگ فنلر اکادمی سیده گی دولت وحقوق انستیتوتی اسپیرنتوره سیده اوقیدی و 1984 ییلی فن کاندیداتلیگی اساسیده دانشنامه سینی حمایه قیله دی و 1990 ییل حقوقشناسلیک فنلری دکـتورلیک (دکـتورعـلوم) عـلمی درجه سینی آلیشگه موفق بوله دی.

  پروفیسور سعیدوف 1985 ییلدن حاضرگچه قوییده گی اورینلرده ایشلب کیلگـن: فلسفه و حقوق انستیتوتیده کـتّه عـلمی خادم، سکـتور مدیری و انستیتوت دیرکـتری لوازملریده، اوندن کـیین اوزبیکـستان فنلر اکادمیسی پریزیدینتی نینگ فلسفه، اقتصاد و حقوقشناسلیک فنلری بولیمی نینگ علمی کاتبی، اوزبیکـستان یاشلر تشکـیلاتی نینگ رئیسی، اوزبیکستان جمهور رئیسی حضوریده گی جهان معمالری انستیتوتی دیرکتری و سونگـره تاشکینت دولت حقوقشناسلیک انستیتوتی ریکـتری(رئیسی) بولیب خدمت قـیلدی.

 

  ا. سعیدوف مستقل اوزبیکستان نینگ بیرینچی دیپلوماتلریدن بیری صفتیده 1994- 1996 ییللری اوزبیکستان جمهوریتی نینگ فـرانسه ده گی بیرینچی فوق العاده و مختار ایلچیسی(سفیری) لوازمیده ایشله دی، عـین زمانده یونسکـو حضوریده (پاریس) اوزبیکستان نینگ دائمی نماینده سی صفتیده فعالیت آلیب باردی. یونسکـو تامانیدن صاحبقران امیرتیمورنینگ 660 ییل لیگـینی طنطنه لی مراسم بیلن خلق ارا مقیاسده پاریس شهریده گی یونسکـو مجلل سراییده اوتکـزیشده کـتّه موفقیت گه ایریشدی. بو تاریخی کنفرانس گه اوزبیکـستان و فـرانسه پریزیدنت لری هـم اشتراک ایتگـن ایدی.

 

  او 1996 ییلدن بویان “انسان حقوقلری بوییچه اوزبیکستان جمهوریتی ملی مرکزی” دیرکتری وظیفه سیده ایشلماقده.

 

  بولردن تشقری پروفیسور سعیدوف “اجتماعی فکـر” جماعـتچیلیک مرکـزی دیرکـتری بولگـن و اساسی وظیفه لری بیلن بیرگه 1985 ییلدن بویان تاشکـینت دولت اونیویرستیتی حقوق فاکولته سیده، تاشکـینت دولت یوریدیک انستیتوتیده، ایچکی ایشلر وزیرلیگی اکادمی سیده، تاشکینت دولت اقتصادیات اونیویرسیتیتی ده، تاشکـینت دولت شرقشناسلیک انستیتوتیده، تاشکـینت اسلام اونیویرستیتی ده خلق ارا و مقایسوی حقوق، اسلام حقوقی، نظریات و عـملیاتده انسان حقوقلریدن درس بیریب کـیلگـن، جهان اقتصادیاتی و دپلوماتیه سی اونیویرستیتی ده کـفیدره مدیری وظیفه سینی بجـریب خلق ارا حقوق و یونسکـو نینگ انسان حقوقلری، دموکراسی، تالیرانتلیک (بغری کـینگلیک) و خلق ارا توشونیش دیپارتمنتلرینی ایلک بار تشکـیل ایتگن. 1993 ییلی خلق ارا و قیاسی حقوق (حقوق مقایسوی) پرو فیسوری علمی عنوانینی آلیشگه موفق بولگـن.

 

 تورت دوره دن بویان اوزبیکستان پارلمانی نینگ وکـیلی صفتیده سیلنیب کـیلگـن. او فرانسه قیاسی حقوقشناسلیک جمعیتی نینگ خارجی اعضاسی، آسیا و تینچ اکیان (بحرالکاهل) منطقه سی یوریستلری(حقوقشناسلری) اویوشمه سی و روسیه خلق ارا حقوق اویوشمه سی اعضاسی و جوده کـوپ خلق ارا علمی موسسه لر بیلن همکارلیکـده.

 

  قیاسی حقوق شناسلیک متخصصی استاد سعیدوف، «افغانستان حقوقی تیزیمیده، شریعت معیارلری نینگ تاثیری» ناملی فـن نامزادلیگی دیسسیرتتسیه سی (دانشنامه سی) نی یازیشده مینگه علمی رهبر صفتیده، «اسلام حقوقی و حنفی مذهبی رواجیده اورته آسیا فقیه لری نینگ اورنی» عنوانلی فنلر دکـتورلیگی (دکـتورعـلوم) دیسسیرتتسیه سینی یازیشده علمی مصلحتچی (علمی مشاور) صفتیده یاردم بیرگنلر.

 

  سعیدوف ییریک حقوقشناس عالم صفتیده تورلی حقوقی ساحه لرده 20 دن آرتیق درسلیک کـتابی و اوقو قوللنمه لری و 30 دن کـوپراق عـلمی مقاله لر مؤلفی دیر. جـمله دن کـمینه، استاد بیلن “شرق و انسان حـقوقلری”، “شرق تمد نی : انسان و حقوق” ناملی ایکّی کتابنی بیرگه لیکـده یازگـنمیز. اولر کـریل یازوویده نشردن چیققن.

 

  استاد نینگ عـلمی اثرلری امریکا، انگلستان، اتریش، فرانسه، هندوستان، جاپان، آلمان، پولیند، بلجیم، روسیه و باشقه دولتلرده چاپ ایتیلگـن. 60 دن آرتیق خلق ارا کنفرانس ده اشتراک ایتگـن. یقینلرده تاریخ، تصوف و عـرفان بوییچه ایریم اثرلری نشر بولدی. اولردن «تیمور و اروپا» ناملی 1000بیتلی کـتّه کـتاب، «عـطار نامه» و 500 بیتلیک «زنگی آته» نی ایتیش ممکـن.

 

 ا. سعیدوف اوزبیکـستان دولتی نینگ کوکـره ک نشانی، “محنت شهرت” اوردینی و “دوستلیک” اوردینی بیلن تقدیرلنگـن.

استاد اویلنگـن، بیرقیز و بیر اوغـیل آته سی.

 

Short URL: https://www.turklar.com/turkic/?p=3888

Posted by on آوریل 22 2017. Filed under الوغ شخصیتلر, ینگی عنوان لر. You can follow any responses to this entry through the RSS 2.0. Both comments and pings are currently closed.

Comments are closed

300x250 ad code [Inner pages]

Search Archive

Search by Date
Search by Category
Search with Google

Photo Gallery

120x600 ad code [Inner pages]
ورود | Designed by Gabfire themes