ففتا

سرحوض و اندخوی – از عالم لبیب

فاریاب ولایتی‌ اندخوی و سرحوض آواره قیلینگن
خلقیگه معنوی حمایه و قیغوداشلیک

اندخوییم، نې بلالر باشینگه کېلتوردیلر؟
تشقی یاو و ایچکی دشمن نې توزاقلر قوردیلر!؟

یېمدیلر تۉیمس سولوک‌لر شربت و شېره‌نگنی کۉپ،
باشینگه توشگنده غم، ایلب تماشا توردیلر.

قَی‌گه قاچدیلر بوگون او «رهبر» و «رهبرچه‌»لر،
کیم طفیلینگدن یېتیب مکنت‌گه دوران سوردیلر؟

اېندی کیم باشینگگه کلفت توشتی، باقمه‌ی سېن سری،
برچه‌سی راحت اوییده یوزلرین یاشوردیلر.

اۉزلری‌نینگ جانلرین اسره‌ش اوچون نامردلر،
بېنوا خلقینگ‌نی دشمن ایلکیگه تاپشوردیلر!

«باغ و بوستان»ینگ‌گه آنت ایچکن غنیملر اۉت قوییب،
یاقدیلر، کۉککه کولینی بی‌ابا ساووردیلر.

قهرتان ساووقده «قۉرغان» و «قرمقول» اهلینی،
اویلریدن ایلب آواره، قیانگه سوردیلر.

«سولدوز» و «دهیکچی‌خانه» مردمیگه بو نې ظلم،
کیم یېر و کۉکدن باشیگه اۉق و اۉت یاغدوردیلر.

فاریاب‌یمده «سرِحوض» اېلی احوالی آغیر،
باشلریگه، کور که نې آفت-بلا کېلتوردیلر.

بو مصیبتلر نفاق، ایریمچیلیک‌نینگ میوه‌سی،
کیم اوروغینی نېچه خودبین اېکیب اۉسدوردیلر!

دۉست ایله یاونی تنیب آل فاریاب، اندخوی اېلی،
اېندی کیم جانینگ یاقیب، قانینگ بیلن قاووردیلر.

تنله اۉزگه تۉغری یۉل، آزاده و اېرکین یشه،
بونچه‌لر یېتمس‌می کیم اوستینگگه فرمان سوردیلر.

اتفاق و بیرلیگینگ‌دیر بارلیگینگ‌نینگ ضامنی،
یۉقسه یاولر کیمنی یالغیز تاپدیلر، اۉلدوردیلر.

1397-ییل 17 قوس (2018-ییل 7 دیسامبر) جمعه/شبنه کېچه‌سی

***

Short URL: https://www.turklar.com/turkic/?p=3992

Posted by on دسامبر 8 2018. Filed under انسان حقلری, شعر, ینگی عنوان لر. You can follow any responses to this entry through the RSS 2.0. Both comments and pings are currently closed.

Comments are closed

300x250 ad code [Inner pages]

Search Archive

Search by Date
Search by Category
Search with Google

Photo Gallery

120x600 ad code [Inner pages]
ورود | Designed by Gabfire themes