ففتا

کتاب بیره می

حلیم یارقین
* کتاب بیره می
انترنت نینگ تورلی ترماقلری و دیجیتال کتابلر و کتابخانه لر کېنگ رواجله نیب کېتیشی گه قره مه ی، کاغذده باسیلیب چیققن کتابنی قۉلگه آلیب، اونی لمس قیلیب اۉقیش مزیتی و مراقلی اېکنی حالی هم میداننی ترک اېتمه گن.
هر ییل، هر آی و قۉیینگ که هرکونی دنیاده مینگلب، یوز مینگلب و حتی میلیونلب تیراژده کتاب باسیلیب چیقیب، بازارلرگه عرضه قیلینه دی و کتاب مخلصلری ساتیب آله دیلر.
اولکه لرده کیشیلرنی کتاب آلیش، کتاب اۉقیش و کتابلرده گی معلوماتلردن فایده له نیش اوچون تورلی یۉل-یۉریقلردن فایده له نیله دی. بو ترغیبات و تشویقات ایشلری عایله، کودکستان، مکتب و بیلیم یورتلریدن باشلب، برچه عاموی اخبار واسطه لری، کۉرگزمه لر، شهرلرده گی سمبولیک قوریلمه لر و خیلمه-خیل نمایش و حرکتلرنی قمره ب آله دی.
سویدن اۉلکه سیده کتاب اۉقیش آماری دنیا بۉییچه یوقاری اۉرینلرده دیر. حتی کودکستان ده گی ججی باله لرگه هم کودکستانده اۉز سویه و ذوقلریگه تېنگ کتابلر بیلن مشغولات بار. اولرنی وقت-وقتی بیلن کتابخانه گه آلیب بارده دیلر. کتابخانه لرده باله لر اوچون مخصوص بۉلیم بار.
بیلیم یورتلریده، درس نینگ اساسي سرخط لرینی استاد سۉزلب بېرسه-ده، اونینگ توگل توضیح و شرحی نی محصللر استاد أیتگن کتابلر و انترنت ترماقلریدن ایزلب، اۉقیب تاپیشی کېره ک. حتی قویی صنفلر اۉقووچیلری هم بېریلگن اوی تاپشیریقلری اوچون کتابخانه گه باریشلری ضرور بۉله دی. شونینگ اوچون، میده-کته شهرلر و حتی قیشلاقلر کتابخانه لریگه آدملر دایم باریب توره دیلر!
سویدن ده هر ییل “کتاب بیره می” بوتون شهرلرده اۉتکه زیله دی. “کتاب بیره می” کونلری برچه کتاب دکانلری و انتشارات مؤسسه لری کتابلرینی نېچه برابر ارزانلشتیریب “حراج” گه قۉیه دیلر. کتاب حراجی کونی اېرته لب ساعت 6 لردن کتاب سېووچیلر و مخلصلری کتاب دکانلری تمان آشیقه دیلر. حتی ییریک شهرلرده اوزون صفلر توزیله دی. چونکه کېچ قالگنلرگه، کۉپینچه مهم و کېره کلی کتابلر تېز ساتیلیب توگب قاله دی.
تورلی بیلیم ترماقلری متخصص و عالملریدن توتیب، بیلیم یورتلری اۉقووچیلری و اۉقیتووچیلر، عامه خلق و باله لرگچه کتابلر عرضه بۉله دی. کیشیلر اۉزلریگه کېره ک و یاقه دیگن کتابلرنی بیر نېچه برابر ارزانراق آلیشدن قووانه دیلر.
بو ییل (2019) “کتاب بیره می” 26- فبروری کونیدن باشلندی.
(استکهلمیان صفحه سیده گی خبر یوزه سیدن اوشبو متن یازیلدی)
(www.http://stockholmian.com)

Short URL: https://www.turklar.com/turkic/?p=3996

Posted by on مارس 2 2019. Filed under تیل و ادبیات, مقالات, ینگی عنوان لر. You can follow any responses to this entry through the RSS 2.0. Both comments and pings are currently closed.

Comments are closed

300x250 ad code [Inner pages]

Search Archive

Search by Date
Search by Category
Search with Google

Photo Gallery

120x600 ad code [Inner pages]
ورود | Designed by Gabfire themes